Folkedansfestivalen 2010 er over for denne gong, men allereie no kan du sette av datoen for neste festival. 7. til 10. juli 2011 blir det ny festival i Bodø!
Vi takkar alle musikarar, dansarar, deltakarar og frivillige for ein flott ny festival. Dette lovar stort for framtida!
Jentene frå fantogfente på Bryggen, laurdag. Du finn fleire bilete frå årets festival på Facebooksida til Noregs Ungdomslag.
Fredag vart den tradisjonelle Framsyningskappleiken avvikla, og vi gratulerar Ungdomsringen Salten med både 1. plass og publikumspris!
Ungdomsringen Salten vart skipa i 1991, med bakgrunn i at mange ungdommar slutta i folkedansmiljøet når dei kom i 13-årsalderen. Ildsjelar frå Salten satte i gong arbeidet med å utvikle ein felles ungdomsring i distriktet der ungdom frå heile Salten kunne komme saman, danse og ha det gøy!
Ungdomsringen Salten på Framsyningskappleiken
Flørt med annan dans – kl. 10.00 – 12.30
Bergen har eit fantastisk rikt dansemiljø og på dette kurset vil me møte nokon av dei aller beste dansande bergensarar som er. Kurs i Breakdance med gutta, Piero «The Hero» Issa og Ole Petter «Hoolio» Knarvik, fra Absence. Stad: Bergen Katedralskule. Inkl. i festivalpass og dagspass. Utan pass: 100 kr.
Tralling til dans – kl. 10.00 – 15.00
Kvedargruppa i Bergen inviterar til kvedarworkshop med Linda Røyseth Sandhåland. Stad: Schøttstuene, Bryggen. (OBS! OBS! Feil tid i programheftet – dette er det som gjeld!) Inkl. i festivalpass og dagspass. Utan pass: 200 kr.
Foredrag “Om dans” – kl. 11.00 – 12.30
Med Ingar Ranheim. Stad: Hotell Norge (OBS! Endret sted). Inkl. i festivalpass og dagspass. Utan pass: 100 kr
Den vesle prinsen – kl. 11.30 – 12.30
Ei familieframsyning med norsk folkemusikk og folkedans som byggjer på Antoine de Saint-Exupéry si verdskjende historie om den vesle prinsen som reiser ut i verda for å finne vener. Musikarar Gro Marie Svidal og Tom Karlsrud samt frikaren Ulf Arne Johanessen. OBS! Begrenset antall plasser, 180 stk. Stad: Gimle. Inkl. i festivalpass og dagspass. Utan pass: Familie (2 voksne og 2 barn) 300 kr, Vaksne: 150 kr, Barn: 50 kr.
Middagsdans – kl. 12.30 – 15.00
På Bryggen. Vegar Vårdal og Patrik Andersson spelar til dans, medan jentene frå fant&fente tek oss med gjennom leik, dans og moro for dansarar i alle aldrar. Fri inngang!
Framsyningar på Torgalmenningen kl. 15.00 – 18.00
Har di gruppe lyst til å danse ei lita framsyning i sentrum, er det mogleg i dette tidsrommet. Ta kontakt med oss i Bergen på mail.
Intimkonsert med Storli/Morken/Rysstad – kl. 18.00 – 19.00
Festivalmusikarane har med seg fjorårets INTRO-folk-vinnar Kim André Rysstad. Nydeleg og stemningsfullt. Inkl. i festivalpass og dagspass. Utan pass: 150 kr
Dansekveld – kl. 19.00 – 02.00
I ulike musikalske former og fasongar spelar festivalemsemblet oss gjennom ein laus og ledig dansekveld der me trør siste kreftene ut i festivalnatta. Festivalen blir også avslutta med den fantastiske danseførestillinga «Rand» med fant&fente. Denne langtlevande dansegruppa har hatt mange prosjekt og etter vår meining har det aldri vore betre enn no. Inkl. i festivalpass og dagspass. Utan pass: 400 kr.
Andre festivaldag er no i gong, i strålande sol. Her følgjer dagens festivalprogram:
Flørt med annan dans – kl. 10.00 – 12.30
Bergen har eit fantastisk rikt dansemiljø og på dette kurset vil me møte nokon av dei aller beste dansande bergensarane som er. Kurs i Breakdance med gutta, Piero «The Hero» Issa og Ole Petter «Hoolio» Knarvik, fra Absence. Stad: Gimle. Inkl. i festivalpass og dagspass. Utan pass: 100 kr.
Tur på Vågen – kl. 10.00 – 13.00
Tur på Vågen med vestlandet sin store stoltheit dampbåten «Oster». Denne gamle fjordabåten fraktar oss rundt i den fantastiske skjærgården utanfor Bergen og legg til kai i Vågen slik som i gamle dagar. Festivalmusikarane akkompagnerar bølgeskvulpet medan me alle nynnar på «Dar kjem dampen…». Pris: 200 kr.
Middagsdans – kl. 12.30 – 15.00
I den finaste bakgården i Bergen, Bryggen, treff me att Galder. Fri inngang!
Framsyningar på Torgalmenningen kl. 15.00 – 17.00
Har di gruppe lyst til å danse ei lita framsyning i sentrum, er det mogleg i dette tidsrommet. Ta kontakt med oss i Bergen på mail.
Framsyningskappleik – kl. 17.00 – 19.00
So you think you can dance? – show it! Har di gruppe ikkje meldt seg på enda, ta kontakt med NU-kontoret og meld dykk på! Stad: Hotell Norge. Inkl. i festivalpass og dagspass. Utan pass: 100 kr.
Leikfest – kl. 20.00 – 02.00
Den tradisjonsrike dansefesten i NU har me plassert i byens kanskje vakraste sal – Bankettsalen på Hotell Norge. Her spelar den kjende og solide gruppa Kvarts opp til dans. I løpet kvelden og natta blir det tid for både bygdedans, stordans, turdans, sangdans, runddans og annan dans. Inkl. i festivalpass og dagspass. Kun leikfest: 300 kr.
Klokka 19.00 opnar Folkedansfestivalen 2010 med premiere på forestillinga til «Bygda dansar»-prosjektet Lea de’. Forestillinga skjer i Bankettsalen på Hotell Norge midt i Bergen sentrum, og vi har tatt nokre bilete frå generalprøva tidlegare i dag. Dei kan du sjå her!
Oppdatering: Du finn fleire bilete frå generalprøve og forestilling på Fjesboksida til Noregs Ungdomslag.
Copyright © 2004–2009.
RSS Feed.
Dette er ein Wordpress-blogg, designa av
Haltenbanken basert på temaet
Modern Clix.
Festivalsjef: Anbjørg Myhra Bergwitz, Bergen ungdomslag Ervingen
Ansvarleg redaktør: Eli Ulvestad, Noregs Ungdomslag, Pb 414 sentrum 0103 Oslo. Tlf. 24141110.